सांसद यादवले लगाए कोरोना विरुद्धको खोप
काठमांडौ, १९ फागुन । पर्साको क्षेत्र नं २ प्रतिनिधिसभा सदस्य प्रदीप यादवले कोरोना विरुद्धको खोप लगाएका छन् । सभामुख, मन्त्री तथा सांसदहरुले बुधबार कोभिड १९ विरुद्धको खोप लगाउन सुरु गरेसँगै सांसद यादवले पनि खोप लगाएका हुन् ।
सामाजिक सञ्जालको फेसबुकमा एक पोष्ट लेख्दै सांसद यादवले खोप लगाएको बारे जानकारी गराएका छन् । कोरोनाभाइरस विरुद्ध विजय हासिल गर्न सकिन्छ भन्ने सन्देश प्रवाह गर्नका लागि पनि खोप लगाएको उनले टिप्पणी गरेका छन् ।
कोरोनाविरुद्धको खोप बिहान १० बजेदेखि खोप लगाउन सुरु गरिएको राष्ट्रिय स्वास्थ्य शिक्षा सूचना तथा सञ्चार केन्द्रका निर्देशक सुनिलराज शर्माले बताए । पुनःस्थापना पछि फागुन २३ गते संसद् बैठक बस्दैछ । संसद् बैठकअघि सबैलाई खोप अनिवार्य गरिएको छ ।
सभामुख अग्निप्रसाद सापकोटा, नेकपा अध्यक्ष पुष्पकमल दाहाल ‘प्रचण्ड’ लगायत सांसदहरुले खोप लगाइसकेका छन् ।