दलित सशक्तिकरण ऐन कार्यान्वयन अन्तरक्रिया सम्पन्न 

अनिल पाण्डेय

कलैया बारा

दलित सशक्तिकरण ऐन कार्यान्वयनका आस्था चुनौती र अवसर बिषयक जिल्ला स्तरिय दलिय अगुवासँग अन्तरक्रिया कार्यक्रम आज बाराको कलैया स्थित उधोग बाणिज्य सँघ कलैयाको सभाहलमा सम्पन्न भएको छ।

दलित सशक्तिकरण ऐन बिक्रम सम्बत २०७३ मंसिरमा बनेको हो। जसमा २ नम्बर प्रदेशका सम्पुर्ण जिल्लााबाट सुझाव‌ संकलन गरिएको थियो । ऐनमा सम्पुर्ण पालिकामा दलित अगुवाहरुको समिति बनाउने उल्लेख गरिएको  छ। ऐनमा दलित बिधार्थीलाई उच्च माध्यमिक शिक्षा सम्म नि:शुल्क शिक्षा प्रदान गर्ने उल्लेख भएपनि कार्यन्वयन हुन सकेको छैन। स्थानिय तहमा समाजिक बिकासमा दलित महिलाहरुको बजेट छुट्याउने प्रष्ट उल्लेख भएपनि कार्यन्वयन नभएको अवस्था छ। दलितहरुको लागि स्नातक देखि पिएचडि सम्म को शिक्षाकालागि कोठा भाडा देखि लगाउने कपडा सम्मको ब्यवस्था मिलाउने ऐनमा उल्लेख भएको कुरा दलित सरोकार मँच नेपाल कञ्चनरुप नगरपालिका सप्तरीका अध्यक्ष भोला पासवानले जानकारी गराएका छन। दलित ऐेनले गर्दा अहिले प्रदेश नम्बर २ मा स्टापनर्स र अनमिको बिग्यापनमा दलितकोलागि आरक्षण पनि गरीएको कुरा पासवानले जानकारी गराएका छन।