तस्करीको भैंसी सहित मानिस पक्राउ

0
तस्करीको भैंसी सहित मानिस पक्राउ
अनिल पाण्डेय
कलैया बारा
आज विहान करीब ०३:०० बजेको समयमा तस्करी गरि ल्याईरहेको ११ वटा पाडो सहित तस्कर र पिकअप गाडि सहित बारा प्रहरीले पक्राउ गरि नियन्त्रमा लिएको छ।
 जिल्ला प्रहरी कार्यालय बाराबाट खटिएको प्रहरी टोलीले गस्ती गर्ने क्रममा जिल्ला बारा कलैया उप महानगरपालिका वडा नं.२० स्थित सडकमा जिल्ला बारा जितपुर सिमरा उपमहानगरपालिका वडा नं.६ बस्ने इमताज अंसारीले चलाई ल्याएको ना ४ च ३५५५ नम्बरको पिकपमा भारतबाट अवैध रुपमा चोरी भन्सार छलि पैठारी गरी ल्याएको मुल्य रू.७१ हजार ५०० सय पर्ने पाडो-११ वटा फेला पारी नियन्त्रणमा लिएको जिल्ला प्रहरी  कार्यालय बाराले जनाएको छ।
 नियन्त्रणमा लिएको पाडो तथा  मुल्य करिब रू.११ लाख पर्ने पिकअप गाडी सहित चालक इमताज अंसारी र भैसी तस्कर सोहि ठाउँमा बस्ने शेख अख्तर समेतलाई भन्सार ऐन अनुसार आवश्यक कारवाहीको लागि भन्सार कार्यालय वीरगंज पर्सामा पठाइएको जानकारी जिल्ला प्रहरी प्रबक्ता गौतम मिश्रले दिएकाछन।

 

सँम्भार:-cinnepal.com

Leave A Reply

Your email address will not be published.