बाजागाजा सहित प्रशासकीय अधिकृत साहको बिदाई

0

राजन कुमार बानिया, पोखरिया, पर्सा।

पौराणिक महत्वको खुर्दुक सहनाई र सिंह बाजाको आवाजले पर्साको कालिकामाई गाउपालिका शुक्रवार दिउसो गुन्जित भएको हो । दिउसो ३ बजे सिंह र खुर्दुक सहनाईको एक्काशी आवाज सुनेपछि कालिकामाई गाउपालिका वडा नम्बर ३ निवासी अलनदेव हजरा बाजा बाजिरहेको कारण पता लगाउन गाउपालिका परिसर पुगे । कुनै उत्सव वा बिहेवारीको सिजन नभएपनि के कारणले बाजा बाजिरहेको होला बुझन गाउपालिका कार्यालयको परिसर पुगेका हजरा त्याहाको अवस्था देखी आफु भावविहल बनेको बताए ।

त्याहा गाउपालिकाका प्रमुख प्रशासकीय अधिकृत राजु साहको विदाई भइरहेको थियो । बाजा बाजिरहेको थियो , टिका माला र घाटीमा दोसल्ला तथा मालाको चांगले राजु साहको कान समेत झोपिएको थियो । धुमधामका साथ विदाई कार्यक्रम आयोजन भएपनि त्याहा उपस्थित जनप्रतिनिधी , कर्मचारी, स्थानिय , समाजिक अगुवा तथा आम जनताको आंखा रसाएको थियो । आमनागरिक देखी जनप्रतिनिधी र कर्मचारीहरु आफुबीच बाट एक कुशल कार्यालय प्रमुख विदाई भइरहेकोले दुखी हुदै केही बेर भावविहल बनेका थिए ।

दुई वर्ष अगाडी लथालिंग अवस्थामा रहेको कालिकामाई गाउपालिकाको कार्यकाललाई आफनो १६ महिने कार्यकालमा साहले व्यवस्थित बनाउदै सेवा प्रवाह सहज गरेको र दैनिक कार्यालयमा उपस्थित हुने गरेको कारण स्थानिय सेवाग्रही उनी संग राम्ररी घुलमिल भएका थिए । कतिपय पालिकामा कर्मचारी जनप्रनिधी बीच जुहारी चली रहेको अवस्थामा कालिकामाईका जनप्रतिनिधी र आम नागरिक भने राजु साहको विदाई हुदा भावविहल हुनु पक्कैपनि उनको क्षमताको उदाहरणको रुपमा रहेको हजराले बताए ।

उनले भने साह दैनिक कार्यालममा बस्ने जिल्ला कै एक मात्र हाकिम थिए । युवा जोश जागर भएका साह सुरुवाती दिनमा धेरै मेहनत गरि गाउपलिकाका सम्पुर्ण सेवाहरु व्यवस्थीत गरि नागरिकलाई छिटो र सहज सेवा प्रवाहको व्यवस्था बनाउने, योजना र बजेट संचालनको क्रममा कठोरता र पारदर्शीता अपनाई काम गरेको हजराले बताए । विदाई समारोहमा आफनो मन्तवय राख्दै पालिका अध्यक्ष नथुनी कुशवाहा भावविहल हुदै आशु झारेका थिए । उनले आफु यती दुखी दोश्रो पटक भएको बताए ।

पहिलो छोरीको विदाईको बेला आखा बाट आशु झरेको र अहिले साहको विदाई गर्दा आशु रोक्न नसकेको उनले बताए । आफु र प्रशासकिय अधिकृत साह बीच बाजे र नातीको उमेर अन्तर भएपनि गाउपालिका संचालन गर्न उनीबाट आफुहरु धेरै सिखेको कुशवाहाले बताए । साहले आफ्नो विदाई भव्य बनाउनु हुने गाउपालिकाका वासिन्दा , अध्यक्ष तथा ५ वटै वडाका वडा अध्यक्षहरुलाई अभार व्यक्त गरे ।

आफुले एक्लै केहि पनि नगरेको बताउदै साहले सबैको प्रयास र काम गर्न सकने माहौलले सबै थोक भएको बताए । नयां आउने कार्यालय प्रमुहलाई सोही सरह सहयोग गरि काम अगाडी बढाउन उनले सबैमा आग्रह गरे । साह सरुवा भएर दोलखा जिल्ला गइरहेका छन ।

सभार cinnepal.com

Leave A Reply

Your email address will not be published.